20091109 曼聯 vs 車路士 (0 : 1)

• 雖然明知道傑斯一定有正選, 但當我見到正選陣容真係有傑斯時, 突然有d怕佢d傷其實未好返... 可能見同期傷既貝碧托夫連後備都冇, 里奧又長抖, 維迪又後備... 係傑斯咁好彩出得?
• 有時都真係幾慘, 次次傑斯著火時, 佢永遠都受傷....
• 451陣容, 中場好靚...
• 上半場傑斯有個黃金機會, 可惜佢笠龍門時笠高左, 之後佢勁O咀.....
• 上半場傑斯跑動唔算多, 但願佢係留力下半場...
• 費查 + 卡域克 + 安達臣既組合唔錯...特別費查同卡域克隻腳成日篤一篤就搶到波, 腳長係唔同d呀下~
• 比人睇死既布朗 + 伊雲斯中堅組合, 又係無得頂...
• 下半場傑斯又有另一次機會....um... 好多人怨傑斯做乜斬比安達臣... 但傑斯踢波一向係咁, 鍾意傳波多過射波.....
• 曼聯罰球, 我仲以為係朗尼同傑斯處理tim, 後面一直企係度既華倫西亞冇人理佢, 點知原來兩個都唔射, 係比華倫西亞.... 傑斯真係...開一個罰球, 永遠都咁多野講, 不過我鍾意~
• 朗尼今季真係自私左好多, 好似成日唔多信隊友咁, 佢要睇下簡東拿套戲至得~
• 兩邊其實都踢得好好, 球証吹雞亦都好合理.... 直至爭議性既伊雲斯功夫腳....
• 球証一早已經吹雞罰杜奧巴撞伊雲斯先, 後來慢鏡睇返原來伊雲斯o個腳咁肉酸... 佢個樣好似好驚青咁...哈...
• 曼聯輸o個球波, 泰利真係頂得好靚, 杜奧巴愈位而又會影響到龍門e個又係事實, 不過...就算冇杜奧巴係度, 雲達沙根本都飛撲唔切啦... 只係有d理直氣壯既藉口比我地吧...
• 最後幾分鐘換走傑斯其實又係怪怪地, 今場波佢冇表現係事實, 如果要換, 或者六七十分鐘換走佢, 但最尾幾分鐘至換, 你要知道傑斯係魔術師, 佢突然一腳神來之筆已經可以殺死你...
• 不過奧巴坦係左腳仔, 佢入黎點都係踢左邊, 掉走安達臣, 傑斯移入中間? (上季對車仔係傑斯拍費查踢中場中, 傑斯中間贏晒...)
• 華倫西亞唔好犯咁多規好冇? 唔好成日推個波去人堆好冇?
• 雖然最尾輸左, 但係兩隊都係踢出好波既, 十一月姐... 仲有大把時間去追.....

o個個車仔粉皮2號球員伊雲奴域, 正一食屎狗! 一下撞到傑斯頭暈暈, 一下踩落傑斯接近膝頭位置~ 仆佢個街丫!