睇返07年Asia Tour自己拍既video...而家睇返都幾好笑...

好似第一日到澳門時, 冇啦啦整個不公開既training, 冇啦啦又知道所以去左等佢地...training後史高斯第一個出黎, 本來拍緊video影佢係門口坐低休息 (佢個樣好唔舒服, 結果佢之後真係搭船經香港返英國), 影影下見到有人嗌傑斯, 我個鏡頭慢慢移去史高斯後面, 又真係傑斯... 之後佢同史高斯上車後, 我以為傑斯坐係史高斯後面, 我不停影住o個個位, 但係又唔見有頭係度, 我又以為佢坐到冇腰骨咁彎低坐... 點知影左好耐, 我至發現其實我係影緊個空位...哈~ 之後史密夫上車, 佢係車入面同傑斯吹完水後望出黎, 望住我o個邊方向, 之後傑斯就望出黎, 九成九係史密夫發現左d野, 然後話比傑斯聽啦...哈....傑斯起身望下, 又坐低, 又起身望...哈... 

想當年...

給傑斯的一封信 (一)

給傑斯的一封信 (二)

給傑斯的一封信 (三)