2009-2010

2009年

想來想去, 2009年最大回憶都係同傑斯有關...

我得到好多好多...

到而家我係街度見到大大個CYMA廣告, 或者雜誌上佢既樣, 我都係唔敢相信, e個屬於全世界既人, 曾經同我如此接近..

2009年12月27日 英超: 曼聯 vs 候城 (3 : 1)

傑斯傷愈復出, 下半場等開波時, 佢摸擦手臂, 我望清楚d, 咦? 換左短袖波衫既, 於是跑入房係msn問TM上半場佢著長定短波衫...

e個係佢近年轉變之一, 以前除左季前熱身賽, 佢好多時都係著長袖波衫的, 同埋好少半場換波衫, 12月...唔凍咩?

2009年12月29日

買好三個國家既機票, 訂好了住宿, 買了一場波既波飛...

而家都冇野可以做了, 直到二月至開始搞其他波飛...

第二日收到email, 幫ZW抽既曼聯波飛, 抽到之餘仲要係唔錯既位, 希望幫佢抽另一場波, 都會係好位吧~

唔知到我自己時, 有冇咁好運呢?

2009年12月30日 英超: 曼聯 vs 韋根 (5 : 0)

曼聯場波開4:00am, 較左鬧鐘3:30am, 我係起左身, 但係天氣太凍, 唔想郁, 於是比賽期間, 我隔一陣就爬去隔離電腦度睇賽果, 估唔到上半場已經領先3:0....

友人話我冇傑斯所以至唔睇, 大錯特錯了... 如果係既話, 我知道傑斯冇正選時, 我走去訓啦, 唔駛賽事期間隔一陣就去check賽果直到完場.... 我知道有d人覺得我係花痴, 但我唔明, 特別鍾意一個球員有罪嗎? 冇罪.... 有罪既皆因我係女仔...~ 女仔邊識睇波呢...

2009年12月31日 除夕

睇完場波後5:00am, 訓多一陣後就起身沖涼洗頭, 搭8:18am直通車去東莞點貨...

下午點幾鐘就返到落黎, 盤點時間唔係比以前快左, 只係今次冇同客食飯....

約左TM同BK夜晚去尖東麼地道公園倒數, 因為賀軍翔係嘉賓之一.... 我地十點幾去到, 唔係好多人, 台上既係Boy'z.. 十一點幾見到側邊有堆人行出黎 (我地係側邊欄杆位), 見到d人個樣咁嚴肅覺得好怪, 望清楚d, 原來中間係賀小美...  我問TM o個個係咪小美黎, 其他人聽到, 發現到佢, 勁嗌佢... 佢同我地揮手, 好有笑容呢~

糊里糊塗倒數左三次, 2009年咁就過去, 2010年咁就開始....

倒數後賀小美走了, 經過我地身邊時又握手.... 之後我問佢地: 聽日送唔送機?

2010年1月1日 

較左鬧鐘8:30am, 唔知醒, 9:00am冇啦啦起身...匆匆忙忙沖涼洗頭... 去到機場比原本約定遲左15分鐘 (10:45am)... 賀小美班機係12:25pm

國泰check in區 (B, C) o個幾行櫈都坐滿fans, 有d應該唔係賀小美的, 因為我見佢地訓晒覺, 照計時間差唔多, 冇理由訓覺架... 之前問過CT棒棒堂幾時走, 原來都係今日, 所以我估o個堆係棒棒堂... (另外, 見到曹格)

十一點幾賀小美d fans開始有舉動, 我地三個冇埋堆, 所以都係離遠睇, 之後見到佢地出去落車處, 我地就係天橋尾stand by (反正佢都係朝我地方向, 迎面而黎幾好), 香港機場有好有唔好, 好既係落地玻璃, 睇到落車位, 同埋一入到黎係要行條斜斜地既天橋, 好易睇, 唔好處係機場太多出入口了...

我主要都係拍video, 但時間太多, 有時都會望下佢, 實在太近太近, 好靚仔, 好搞笑, 好nice....皮膚仲好好...

有時見太近, 唔知點解唔好意思將部機放到咁埋影佢... 於是我愈行愈遠...@@~

賀小美d fans其實都幾乖...

點幾鐘返到屋企, 跟住訓覺訓到夜晚九點幾...又開始睇Twilight 3 ...

睇到凌晨五點訓覺, 其實我唔眼訓, 不過本書好重, 我訓係床睇到隻手好攰....

2010年1月2日

由朝早睇到夜晚, 睇完Twilight 4 ... 成個系列既Twilight KO晒~

雖然好多人話第四本好睇, 但我反而係失望, 因為Bella成為吸血鬼後, 唔駛Edward保護, 好似冇咁浪漫... 仲有佢地個女既存在, 有d無聊~ 我以為會講好多Bella成為吸血鬼後既生活, 例如去第二度讀書等... 點知講佢個女...搞到成村人都要起義....

係youtube睇Edward同Bella既片, Bella真人原來都幾rock~

2010年

Happy Twenty Ten !

愛與夢飛行...

機票, 住宿, 火車票, 門票.....

每樣東西都陸續進行中.......

2010年.... 繼續實現我的夢想, 繼續爭取我的愛....

繼續去任性!

Giggs bemoans lack of patience

Giggs bemoans lack of patience (20091225 press association)

前半部份講佢對於曉士被炒既睇法....

Not this season for Giggs though. For the first time in his illustrious career, he has been able to spend the whole day at home with wife Stacey and children Libby and Zach, having been given the day off by Sir Alex Ferguson because United are not in action again until they face Hull at the KC Stadium on December 27.

"Until I had kids I never got excited about Christmas," said Giggs. "You just can't."

"You have to concentrate on playing on Boxing Day and you are always travelling on Christmas Day."

"That is one of the downsides about being a footballer. Once you have kids it is hard opening the presents, then going off to training, so, to have Christmas Day off for the first time in my career is definitely welcomed."

我好懶, 買左聖誕卡好耐, 結果都冇寫...

Twilight

記得年初時, 成日聽到朋友講Edward好靚仔 (唔係TM就係加路吧, 係e兩條友是但一個!), o個陣已經想睇e套Twilight (吸血新世紀), 不過近年我已經好少入戲院了...

四月由香港飛去英國既航班上, 剛巧有得播e套戲, 於是我一口氣睇落去 (另一套 Revolutionary Road 浮生路, 我斷斷續續至睇完)...

Edward的確幾型.... 但未至於好靚仔...

我鍾意睇吸血鬼與人類既愛情故事, 通常都係淒美動人 (男主角通常都係cool), 更何況e套講校園, o岩晒我口味....

上星期SK問我睇唔睇第二集, 立即話好! 上映當日就睇左了.... 第二集或者冇第一集咁有趣, 但係我都覺得唔錯, 雖然有d情節我睇時唔多明, 同埋Edward今集過份白....

有d野我一迷上就會一發不可收拾, 於是問同事借左套書黎睇, 另一同事又話想睇, 於是我好快地, 用左兩日時間, 睇晒第一本, 當然因為睇過戲再睇書既關係, 所以睇得會特別快....... 雖然我一向主張先睇原著後睇改編....

因為TM睇過晒四本小說, 所以我急不及待問佢劇情同大結局.... 其實當同事借比我時, 我係第一時間掀去最尾睇結局, 但點知原來d書未齊, 借得頭兩集比我....

想像得到第三本係幾令人激氣 (我同事話好悶, 所以佢黎睇黎去都係睇到最初, 但而家我就黎追到佢, 所以佢要拿拿臨睇, 哈!)....

我同TM講想睇返第一集電影, 但都係等box set時至買, 不過等出齊四集, 畢竟都要等多至少兩年, 佢話我度氣都冇晒... e樣野又真, 所以我當日lunch即刻去188買左第一集DVD

不過我仲未去到好迷既程度, 至少我除左睇過第二集New Moon 官網外, 我仲未search其他野....

今晚煲碟先, Edward等我!

BBC 2009 Sports Personality of the Year (Part 2)

BBC既頒獎禮, 我睇左好多次, 每次睇到都好感動, 眼睛都變得水汪汪...

事前好多人力撐傑斯得獎, 但亦有好多人覺得Jenson Button會得獎, 我唔知道Jenson Button係邊個黎 (十個候選人除左傑斯, 我只識o個個跳水神童, 係電視睇過佢係北京奧運比賽), 不過相信佢既威脅力都幾大, 但無論對手有幾強, 都唔可以輕易放棄, 雖然我唔係身在英國, 我亦唔知道我既拉票能夠幫到傑斯幾多, 但得一票就真係多左一票....

(以下既英文係唔同news度搵出黎, 同video入面d字眼有d出入, 不過內容都係咁既意思...)

公佈傑斯得獎時, 佢咬緊手指, 緊張嗎?

佢的確難以置信自己會得獎, 個樣呆到, 相反佢身旁既經理人Harry Swales激動到爆, 明明傑斯準備出去拎獎, 佢拉返人轉頭攬攬...

Thank you....... thank you....

It's a shock, it's a big shock.

全場掌聲, 傑斯講唔到野, 於是R頭.... 佢真係好低B.... 但又好可愛....

As if I wasn't nervous enough, my heroes Seb Coe and Michael Johnson are here.

佢講e句加埋d動作表情時, 我覺得佢開始有d語無倫次.... 佢太緊張了...

然後佢多謝bbc同每一個投票佢既人...

Honestly this is unbelievable. This is a shock as you can tell by the speech I've prepared. 

全場笑, 超低能呀~~~

I have been lucky enough to win a lot of things in my career, playing with great players and under the greatest manager that ever lived...

全場拍掌...

and playing for the greatest club.

跟住比人boo.... 哈哈~

This is up there with all of that. I grew up watching this TV programme and to see all the people who have won it and to be up there with them, it's unbelievable.

講野斷下斷下, 好似唔知點講咁.....  (鏡頭影住o個個台下男人, 咪就係四月時公佈PFA Player係傑斯o個個?)

Thank you again.

Liberty and Zach, you can stop watching and go to bed now, for my children, there's school in the morning.

傑斯好少將家庭放係咁多人面前講, 唔知係咪佢同對仔女之前既約定, 定係對仔女同老豆講我一定會係電視睇你.... 總之佢就好搞笑, 佢講完都好似知道自己低能左, 於是即刻講thank you..

Thanks a lot...

佢都幾鍾意講e句.... (佢有同我講過架...)

致詞後再影返經理人Harry, 佢真係好開心....

最新o個個七分鐘版本既video, 影埋放紙碎落黎, 傑斯拎住個獎舉黎舉去...

見到佢個樣... 佢自己又好, 我自己又好.... 從來都冇諗過佢會係咁多人面前既頒獎禮, 接受咁多人既掌聲, 去拎一個屬於自己個人既獎項...

賽前咁多人幫佢拉票, 頒獎禮當日台下觀眾既反應, 甚至電話投票出黎既結果 (由1954年有e個頒獎禮以來, 傑斯係第五位得到此殊榮既足球員, 對上一次有足球員拎係2001年), 足以証明傑斯獲到好多人認同, 好多人都覺得佢既成就一直被低估...  無錯, 佢係曼聯拎左好多冠軍, 但唔知係咪因為佢生於威爾斯, 定係佢份人低調, 總係與個人獎項無緣, 無論佢付出幾多, 無論佢係球場上踢過幾多悅目足球, 係球場外為慈善工作不遺餘力.... 什麼足球先生, 過去唔好話拎頭三名, 連提名都唔知有冇... (但有d人可能只係世界盃踢過一腳好波, 就足以拎冠軍, 世界就係如此唔公平)...

成功非僥倖, 近兩年佢講過好多次自己成功既因素, 除左對足球既熱誠, 仲要生活檢點, 佢曾經一年冇飲過酒, 酒對於鬼佬黎講就好似飲水咁普通, 何況對一個男人? 就算而家佢都好少飲酒, 仲有戒食肥膩野, 練波後就返屋企休息, 好少出去蒲, o個陣睇到e d訪問, 我覺得...踢波姐, 駛唔駛咁誇?  但傑斯為左佢心愛既足球, 的確可以乜野都放棄...

我知道作為一個傑斯迷, 好多傑斯迷.... 咁多年黎都覺得個人獎項對於我地黎講都已經睇化晒....

但原來真係得獎時, 係幾咁爽....

傑斯, 繼續去創造你的傳奇吧!

Giggs - 151,842 votes (29.4%)
Button - 96,770 votes
Ennis - 80,469 votes

另外, 傑斯尋日已經續左約, 佢既合約會去到2011年...